عمامی الچنت اشد عزمی بسمهم

الخصیم الهم یشربونه بسمهم

الفرد منهم ابکل شده بسمهم

الیتنعثر فرح یوم الموزمیه



الشجاعه والکرم والخلق عاده

طبع من الاصل یتصل عاده

البعد عن اخوته واشتمر عاده

یضل وحده فلا عنده تچیه



عمامی راحوا من الدار بالدار

لشری جمعت الخوان بالدار

عمامی راحوا من الدار بالدار

اشسوه الزمن شتتهم علیه



 

یخوتی ما ارید الغبر خلّه

ابگعدته مع کلامه اتصیر خلّه

ارید الی تهاب الناس خلّه

ابشجاعه اوکرم وابچفه المنیه



عمامی ذخر واهمه ابلد بعدای

اومن اندبهم یشبوا نار بعدای

عسه لا یمر شهر الفرح بعدای

واشوفنهم طبگ شمات بیه



یربی انته ستر واستر سترنه

ابارض وابستر اعیونک سترنه

ریته ابعجل واتطگه سترنه

ابندامه العاین الکم بالردیه



 

اریدن من الزهرا ایروح شرها

اوالی ویّه الغریب احسین شرها

مصیب کربله بلروح شرها

الألم ینزاح بسم امه  الزچیه




العلیهم چان الی شرها والی دین

ولا واحد گرب یمی والی دین

امغلل والگلب یفکر والی دین

اچتاف اوشدو اعیونی علیه




ابعزمکم یاعمامی اصیب واهین

وشب نار ابنزول اعدای واهین

من اذکرکم اگولن واهین

یخوتی افراگکم یصعب علیه




 

یطارش للعمام ابعجل مرهم

احله امن العسل بلریج مرهم

الجرح لووسع شنهو ادواه مرهم

نهضتهم سوه ابکل موزمیه




سعد حضه العمامه مرعلیهم

العدو خلّه وکتهم مرعلیهم

الخصم دومه ایخوته مر علیهم

راحه مااله ابهاذی الدنیه




احبابک وین گلی مشوونهم

یعدهم ماسکنت ابّلد ونهم

اریداسکن البر ابحزن ونهم

اون حته الأجل یگرب علیه