اشعار و الشعراء ابلادی منطقه الأهواز

اشعار ملا صالح الشریفی-ابوذیه -نعی-دارمی-عتاب-قریض

ابوذيه جيت انشد منازلهم و درهم اخوتي الدهر دولبهم ودرهم اتركو گوه ضخايرهم و درهم تفرهد و اصبحت آنه ضحيه * البيابي ملت ادموعي من ادار اعلي اخوتي ارضعت وياهم من ادار جيت انشد عن اهاليتي من ادار تگول ارحلو ما ردو عليه * سئلت النزل علخوان وادور و مقلتي بل هموم اتهمل و ادور چان الهم وكت و الزمن و ادور عكس بيهه الدهر بل قاضريه * تعنه احسين صوب الحرم يوماي بيده و گال آنه گرب يوماي لون راحه تصح هلحين يوماي ابرد جمرت اگليبي السريه * اخيي لا تظن روحي تملك و حبك في وسط گلبي تملك لون دهري يبو اليمه تملك علي قيد الحيات انظل سويه * دايم نظري الشخصك يراعي و بعدك منهو ابحالي يراعي ابو السجاد يا ضيقم يراعي شجاعه و كرم و نفسك ابيه * ادموعي من دموم اعليك شطرين انفطر گلبي اعله ابو السجاد شطرين انه من اسمع النواحات شطرين اسمك هاجن احزاني عليه * ما تقيس هضم زينب ما تناهه الشمر بل صوط جرح ماتناهه اسيره و الضعن يسري ما تناهه تتفگد يتامه ابن الزچيه * المصايب شيبن راسي و المني و تراهن لليسر گوه والمني بت حيدر و خدري والمني عگب ذاك الدلال امشي سبيه * الدهر طگنه يبو جاسم ودرنه و ببلاد الغرب فرنه ودرنه منازلنه بگت قفره ودرنه و امست من اهالينه خليه * هضم زينب ابد ما صار و سده و جيش الكفر حاط الماي وسده ابو فاضل ظفرهه ابروس وسده سداهه من جثث اعلوج اميه * بعدك من يشد عزمي و يمنه عضيدي گطعو ايساره و يمنه امس هل چانو اويانه و يمنه ارحلو واديارهم ضلت خليه * الاخو ما ملته زينب و ملها و راح الچان رجواهه واملها يوا طاح شال ايده و ملها و گلهه ابيا كتر طاح الشفيه * المصايب بس لفن زينب و ينهه ابوهه الانس طاعتله و ينهه راغد ليش ما ينهض و ينهه اميه لا يودوهه سبيه * سبيه اتروح دهر الشوم ولها لجلها وا افتر النوح والها مشت گوه يبو الحسنين والها سبعت عشر جثه هاشميه * عگب عينك يبو السجاد ظلمه عليه و لابگه بل عين ظلمه اخاف امن العدو لو زاد ظلمه و يودونه اليزيد ابن الدعيه * اريد اگصد لبو اليمه وا لاعن اعضاي الوحدتهخ يارن والاعن لا يمنه ولا يسره لبو فاضل والاعن و مخ راسه تبدد عل وطيه * المصايب بس علي يحسين يومن و بعدك الگلب من بيه يومن عگبك ما اعد يا خوي يومن اعد اسنين و ايامي رزيه * سل السيف قصده الحرب وحده ركب ميمون وانشر علم وحده ابو فاضل نزل للماي وحده ترس چفه و تذكر عطش اخيه * تره بغضه الدهر اعلن و بانه علينه و سيس ابحينه و بانه خذه امنه گبل فتره و خذه ا لزهره و بانه خذا هسه و بكانه غدت فيه * من جور الوكت يخواني علينه و نطلب رحمت الباري علينه انتوسل بل نبي الهادي علينه يفكنه امنل بلاوي ابهل دنيه * و حگ الي الجميع الناس مهدي عرفته ابيوم انه اببطن مهدي النبوه و الائمه او بعد مهدي صاحب عصر دنيه او آخريه * المصايب بس آنه گلبي چونه اعله خواني اريد انصب چونه دليلي دوم ما يبطل چونه اعله اهاليتي الگضو بل قاضريه * اليالي كثرن للروح ونهه ابوجود اخواي آمر چنت و نهه ليالي الامرت اويه احسين ونهه تره مثل الحلم مرن عليه * اسلي بيش انه گلبي و يلهه و مصايب كربلا ابضلعي ويلهه اخو زينب غربل الحومه و يلهه و طب للعلگمي و ما ضاگ ميه * دار الحزن بگليبي لبنها علي الي غصب جف جف لبنها تحن ما حنت الثكله لبنها اتركته ابكربلا و راحت سبيه * تون ما ونت الثكله و حنت اعله ابنها اضلوعها يارت و حنت رضيع و فطمته النبله و حنت شعرهه ابدم ذبيح القاضريه * النوايب چلبن وياي مسچن اديه و ابحياتي ايخوط مسچن قصدچن ما اعيش ابارض مسچن لما تنفن وجودي امنل وطيه * اليالي اوياي طول ابطول شبن او نيران ابضمير احشاي شبن االمحاسن حي طبگ و الهام شبن من اكفاح اليالي المر عليه * ذكرت آنه صغر سني و يهلاي و لذيذ العيش يخواني و يهلاي لانهم زينت ايامي و يهلاي صعب يخوان فرگاهم عليه * احبابي گوطرو وآنه وراهم نشا فكري ابسجاياهم وراهم اخبرك كل فرح يا خي وراهم هم الاخره و هم الدنيه * دليلي و الدليل اليوم ونحيل و عشر عجدات گلبي انعجد وانحيل علي الماضين جسمي رگد و انحيل لان چانو فخر للدارميه * يسيد جيت ازورنك و عودك ابشرافه و خطف تركيتك و عودك عفيف انته ابو يابر و عودك سيد راضي ابن ابن الزچيه * حبيبي الي كبر وياي وانته غالي و انبتت بحشاي ونته انه گتله ابعذاب و ضيم ونته ابسعده و خير ماتنشد عليه * من افراگ الحبيب اصبح بياداي سكن بسلاف ما ادري بياداي لا تلتمس يا حادق بياداي الالم بحشاي موصاير بديه * دوم افتل حبل ود خلي و جاني الواشي ابكل مشاهيبه وجاني ازلفت منه يخلاني وجاني و لگيته ابكل قطر يبحث عليه * اهل المجد ليش الدهر شلهم ابسهام و نعش فوگ المتن شلهم دگلي السافرو يفلان شلهم من الدنيه خذو لل آخريه * امر بل دار واصرخ حيل وصفن و گلت صبن دمع يجفون وصفن تره اهل الدار الهم يخي وصفن الشجاعه و الكرم عدهم سجيه * قسم بالله و نبيه و 12 مامات الدهر ويه النشامه دوم مامات تره الابنه تفگده الزلم مامات مات المحد يعرف ابنه ابكل ثنيه * حديث السوء ما طبه ولدخل اله و ما ارغب الذله ولدخل يل امسافر من الدنيه ولدخل يندبونه الربع بل موزميه * يدهري ليش بهل المجد خليت اسهام و بل ثنيه اشكثر خليت يل امسافر ولد شبان خليت يفيدون الربع والهم تچيه * زماني ابسهم كل مندوب خله سافر و ابثنيته اصبحت خله لكن اولاد خوش اولاد خله الهم ياه معلوم و محشميه * علي الخوان جيت انشد ومرهم و تمثلت الضمايرهم و مرهم لاني ضگت حاليهم ومرهم ما ضگته و ابد ما مر عليه * سئلت الحي علي الخوان ونهم اعزاز و بات بل دلال ونهم ابفرح و ابخير گالو صبح ونهم عالي و مزهره بيه الثنيه * اخوان الي انهضو وياي ودو الواجب و گطعو فايات ودو سلام الهم انه وديت ودو سلام ومن بعد فوگه التحيه * اخوان الي اصابحهم ومسهم و دوم ابفرح ملگاهم ومسهم ابسعاده و خير باچرهم ومسهم و بعد للموت خوه دارميه * اخوان الي امر بيهم وشفهم نخيت الله بياريهم وشفهم لان بيهم الي راده وشفهم الي بيهم لما تدنه المنيه * گلب دهري عليه صار مرمر جفاني و خله مني الريج مرمر من الخوان محد علي مرمر بس ذاك الابن ابن الزچيه * تحمالي زماني و شال مرمر بيده و گال اهدمك لو صخر مرمر من الخوان محد علي مرمر بس سيد فلك يبن الشفيه * هذوله احتزم بيهم وعدهم اخوان اوياي ما خلفو وعدهم اعيد م يمر طاري عليه * هذوله اتطول بيهم يخي يدي لان همه اصل خوان يدي ابوصلهم طاب جرح الچان يدي شفيت و لا بگه امنل الالم بيه * انه روحي اليالي كثرن ونها ابوجود اخواي امر چنت ونها ليالي المرت ويه احسين ونها تره مثل الحلم مرن عليه * اسلي بيش انه گلبي ويلها و مصايب كربلا ابضلعي ويلها اخو زينب غربل الحومه ويلها و طب للعلگمي و ما شرب ميه * اسلي بيش روحي ولهه آنه و حصه رحاي تطحن ولهه آنه احباب الي الي چانت واله آنه سره بيهه الامچيري و گطع فيه * وحگ اليروي الشفين منشاف و دمع العين طول الدهر منشاف وجه زينب يطول العمر منشاف حسافه اتاسرت بل قاضريه * عفاني چيف الي مهجه والي روح اعله ابو اليمه نبل شابچ والي روح يوافد هاك اخذ مني و الي روح عتب للبلقري يلحگ عليه * عسه الكم يمين اگماط لالات فجعتوني و دمعتي غصب لالات تره بل بيت چنتو اثنين لالات انطفن واضلمت الدنيه عليه * تحيه الكل عشيرتنه ودالهم و عندي بالگلب ثابت ودالهم ارشد هلي قصدوني ودالهم اعله گبري و خل يدون التحيه * زماني ما ترك يخواني تراحال عندي و لا صبح ريجي تراحال الدرب ما بين كل اهلي تراحال اخوتي و صعب فرگاهم عليه * ملك الموت يخواني تراحل بيه و لا بگت عندي تراحل خذاني للسفر گوه تراحل ابجسمي و گال انصبوله عزيه * دفنتوني يخواني وراكم جفيتو و روحي اتفرفر وراكم بگيت انتظر عودتكم وراكم عگبكم دنيتي اضلمت عليه * الدهر حورب يخواني و يانه ابزعل و ابغيض و ابناره ويانه خذه البل موزمه يوگف و يانه خذا دهري و بكانه غدت فيه * الدهر وياي ليش اعلن كراهه او من يوره الدمع لخدودي كراهه جفاني و سلب من عيني كراهه و حرم طيب المنام الچان اليه * علامه الدهر دوم ايدگ دفنه ابعزه و احيود بل غبره دفنه فنه بل فرح يجبل دفنه اشو كله ابحزن وانياح و عزيه * دار اهلي امر بيهه و سلها عليهم واسچب الدمعه وسلها الشضه اثر علي روحي و سلها لئن چانو اهل غيره و حميه * احبابي گوطرو وآنه بعدهم اسود و يعجز الواصف بعدهم اشتظن يا خي الاجيهم بعدهم و تعود ايامنه الحلوه الزهيه * النوايب دوم شد احزام يردن و بنادقهن علي اهل المجد يردن يريت ايامنه اويل اهل يردن يخوان اشكبر فيتهم عليه * الزمان الچبدتي ابسيفه شگلها و فصل منها الذي ثابت شگلها الوادم لو اجت تنشد شگلها .............راح يخوان انديه * النوايب دوم آنه وياي ينحن اشكثر صدن و كسرن يخوان ينحن اثاري الابو لل ولد ينحن ظهره و لل ولد ينصب عزيه * وينه الي يشاركني بهاماي تحمه و صابني دهري بهاماي بعد شتفيد عضاتي بهاماي خذه الراده و عمل ماراد بيه * اطب للدار و انشدهه هلي وين تگلي ذاك حاديهم هلي وين گلبي انحيل بجفاهم هلي وين ونه ظاهره و ونه خفيه * ابنياحه و حزن دوم الروح خلها علي افراگ الاحبه و فگد خلها علي بخته الدهر بسهام خلها مشو وديارهم ضلت خليه * اليالي ساهرن جفني و جرحن دليلي و مو جرح واحد وجرحن علي الماضين اجر حسره وجرحن ناعي البين اخفاهم عليه * الدهر لمفاصلي كلها ترا حل ولا مصباح عد ريجي تراحل جفاني و حمل ازموله و تراحل ابخيره و بلوته ذبها عليه * الدهر بسهام لگليبي تراشال و من افعاله صبح ريجي ترا شال احيود امنل سلف يخواني ترا شال اسود و صعب فرگاهم عليه * اهل المجد جيت انشد محلها عليهم گال انه دهري محلها لهم گعدات يخواني محلها احلي امنل عسل بل ريج هيه * احيود السلف دهري ما تملهم ابسويده الگلب انصب ماتملهم سوه طيب المحا چي ماتملهم اسود و من نسل زاچي سجيه * دوم الدهر ما يعدل ميولي سره اباهلي و اصيح الهم ميولي انه ابظنتي الدهر يرحم ميولي ولاني و كثر اصوابات بيه * اليالي ساهرن جفني من الهم العليه و بين امشيبي من الهم اشيفيد الصبر يخواني من الهم الصبر اهون من الفارگ خويه * اعيوني امنل بچه گوضن و راحن امن اشوفن نعش ...........وراحن اسف اصفج انه راحن و راحن الطم والحزن محتاط بيه * مدري اعتب علي دنياي يوله اشو دهري لعب وياي يوله العنده امسافرين احباب يوله و انه للان ما ردو عليه * و حگ الي الي جبريل لاله فجع بينه الدهر و الدمع لاله طبگ صحنه يملك الموت لاله لا تاخذ ..........اتصير فيه * بعد يا ونت البحشاي ظهري و عليه صار نص اليل ظهري عگبك آه بويه انكسر ظهري و بعد ما تفيد عضاتي بديه * دهري آه وليه اشلون يوله ابهيچ ايام سوه اوياي يوله العنده احباب يوم العيد يوله و انه عيدي ابحزن اصبح عليه * سقيمه ارويحتي يصعب دواها چوانين الدهر بضلوعي دواها خذه الي بل دجه يگطع دواها اشو راح و بعد مارد عليه * الدهر ماهو ابن عمي و حبلي ابردياته زحف صوبي و حبلي بيده گص تيانيدي و حبلي من الاحباب و اخفاهم عليه * اسلي بيش گلبي و لهه انه و حصه رحاي تطحن والهه آنه احبابي الي الي چانت و الهه آنه سري بيهه الامچيري و گطع فيه * النوايب دوم شد احزام يردن اببنادقهن عله اهل المجد يردن ردت ايامنه ويه الاهل يردن يخوان اشكبر فيتهم عليه * حنين الفاگده خلي حنالي اضلوعي و كل مفاصيلي حنالي علي فقده الدمه من دم حنالي اچفوفي و بلل اهدوم العليه * الدهر لمفاصلي كلهه تراحل ولا مصباح عد ريجي تراحل جفاني و حمل ازموله و تراحل ابخيره و بلوته ذبهه عليه * شحسب بل هموم العلي شلها اعضاي ابسهم دهر الشوم شلها اخوان الاي ربت وياي شلها النعش واخفه محاضرهم عليه * ابگلبي اهموم يا خي غدت هامات اشما انشد علي اهل المجد هامات لجلهم روحي بل وديان هامات اذكر يومهم وانصب عزيه * شهدم بل هموم العلي شبني زماني ابنار ياهل خلگ شبني گبل ما حان وكت الشيب شبني غافلني و حصل فرصه عليه * يحاذق دونك اجروحي شلبها چثيره و الشضه روحي شلبها حياتي بعد خلاني شلبها الممات اهون من الفرگه عليه * الدهر ماهو ابن عمي و حبلي ابردياته زحف صوبي و حبلي بيده گص تيانيدي و حبلي من الخلان وابعدهم عليه * النواهي فوگ لب احشاي خلن نيران و سهم بچلاي خلن ابناي آنه غرصت اهواي خلن اشو گبل العدو هدو عليه * وين الي يشاركني بهاماي تحمه و صابني دهري بحهاماي بعد شتفيد عضاتي بهاماي خذه الراده و عمل ماراد بيه * بعدني بل سلف ساكن ميالي خليط الچنت اگصدنه ميالي ردت فد يوم يعدل لي ميالي بعد ما مال حملي و مال بيه * انادي خلتي يا خي ميولي جفو عني و لا عدلو ميولي عاده الشهم من يظفر ميولي يرحم واشكثر عنده حميه * انشدك عن حيود السلف ونها و عليهم ما يهيد الروح ونها ولو من هل يمسهه امصاب ونها و هسه النايبه دارت عليه * من احبابي الدهر شتني فردني و طريح اوساد خلاني فردني بعد فتره ابدواليبه فردني عليهم والخوي جالس خويه * تنام الناس طول اليل وآنه امساهر والدليل ايزود وآنه يحادي الضعن بلا ارجوك وآنه آنه اودع حبيبي و هاي هيه * علي يلي يشيل الحمل ما چل و تعيش الصافه من غير ماچل الله اطه الاراذل خرص ماچل رجال ومال و اليالي زهيه * ارتعشت هل فرايص و الگلب هل هل القدومك و العطور اتفوح هل هل يوم اگبلت چن البدر هل هل عليننه و زال ضلمت هل مسيه * ما ونن علي الي علي ماون سره ضعنه ابتوالي اليل ماون غريج ابدمع مايه اوياي ماون نكرني و لا رجف گلبه عليه * چبدي صار عگب الترف شظين ابگلبي و هم سبع ذلان شظين الدنيه عود عدهه وفه شظين صلفه و ما اعتقد عدهه حميه * الواشي دور السهله و جاها چوتنينه حدر ضلعي وجاها طلبتي امنل نبي الهادي و جاها يهلك كل اعريضي ابهل دنيه * و حگ سوره نبي الرحمه و طاهه السهله لا تظن جدمي وطاهه الناس اطلبت من ربهه و طاهه و طلبتي جاوبت جور و اذيه * اليالي ساهرن جفني والمني و لا يوم ابزماني والمني ابعجل زوري و شبابي والمني گضنه امرادهن و اوجرن بيه * سبع تيام سبع اليال مرن عليه و لا حلالي الريج مرن الهدم عرشي زماني لگف مرن و سبع سبعات ضل محتاط بيه * سبع تيام اتلي علي و نسه زماني و لا شفت فد يوم ونسه اقفر للصديق الوفي ونسه طبيعه ما ادورله رديه * سبع تيام سبع اسنين يوسف و گلبي لليوده و بعد يوسف عثاجيله ظفر يا ربع يوسف و الوجنه من الباري هديه * وره المحبوب گلبي دوم ينباع ازجره و من صميمه نزف ينباع لون شخصه علي بل روح ينباع شريته و خل تلوم الناس بيه * امر بل دار و اصرخ حيل ونداي ابزفير و يجرح المهروس و نداي لوني ابسگم يا خلان و نداي ابجسمي اهون من الفرگه عليه * امر بل دار و اتذكر بناها و اهيمن چل الذي فگدت بناها تمر الما درت بيه بناها ابسرور و موگده نيران بيه * انه اسراري بس الشخصك بحتها و روحي الروحك الحره بحتها يذاك اصواتي بغيابك بحتها خفن مني و بگيت اشر بديه * و حگ من مارس المصحف و يتلي نيران الشظه ابگلبي و يتلي هذه امنين چانتلي و يتلي الاوده شال ظعنه و گطع فيه * ابظميري شعل نيرانه و شبها زماني و شبش شايبهه و شابها اشما اگعد وميزنه و شبها القيامه لا بعد اعظم رزيه * يخي دايم انوح اعليك وتهل و انته الي ترحب بل اخو وتهل خل عيني تصب اعليك وتهل دمع سچاب لايام المنيه * اخوان الما بچو لبچاك خلهم اخباث و ما وفو بعهود خلهم ريته ابسهم دهر الشوم خلهم و يخل كلمن يودهم بل ثنيه * عمامي و افتخر بيكم وسمكم اسود و من نسل دارم وسمكم افاعي تارسه البيده و سمكم مثل عصات موسي اعلي الوطيه * هاون لل عمام الظهر هل هل و واحدهم لعند الضيف هل هل يوم احضورهم كل عيد هل هل ابساده و زال كل هم العليه * اخوتك دوم بل نيبات شرهم نشامه و يكفي العدوان شرهم ثمنهم لو وزن بل لير شرهم اليوم الكون خليهم تچيه * اخوتي ابنيبتي يا خي شرتهم اسود و من نسل عودي شرتهم ابلير و مهجتي و روحي شرتهم و ردتهم بس ذخر لل موزميه * اخوان النهضو ابحملي و شالو و خيطو جرح دلالي و شالو حيو كلمن ايودني و شالو يحبوني و حبهم للمنيه * الكوارث يوم گامن علي يومن ما ريد ابمذله العيش يومن تره الشده علي كل شهم يومن ابسهوله تنگضي و تنزال هيه * ميت هله ابخواني و كلهم اسود و زالت احزاني و كلهم امل عندي ابشجاعتهم و كلهم رصاص و گل و نخوه دارميه * العنده ارجال بل شدات يوله ابرچبه و خلو الميدان يوله ابعزمهم شال ايده و گدر يوله تسيطر و حكم ابذيچ الثنيه * اسيس دار من الفرح و بناي الوصلكم انه ادگ ابعود و ابناي آنه ابخدمت الموجود و ابناي و ارحب بل گصد عندي سجيه * خوي الي گصد لينه وزرنه و عزمنه ابقوه بوجوده وزرنه وظيفه نشد للخدمه وزرنه لان طيب نسل عنده حميه * و حگ الي اله المصحف منزل افرش للاخو ابگلبي منزل يغفر لو صدر مني منزل لان يملك حنان و عاطفيه * فريضه انته يصاحب منهالاك الفهم عندك اراثه منهالاك الكرم يوجد علامه منهالاك ترحب بل گصد عندك سجيه * اساهر دوم لهل المجد وانطر ليلي و شاه مني العگل ونطر ابجفاهم آه شاب الراس و نطر گلبي و الشظه محتاط بيه * ارداي اتبللت گلي شبلها الدمع وايشابه الفگدت شبلها الحمامه اتنوح واتقرد شبلها ولف غايب و الو عدهه سجيه * اصعد چنت كل عالي يبلها و هسه الدمع لردايي يبلها الحمامه اتنوح و اتقرد يبلها ولفها لو تون مثلي ابعزيه * سبگ كل الزمل بل بيد يملاي عكسهه و دمعي للوديان يملاي گلت بطل يحلو الصوت يملاي و خل اقره ابصميم العاطفيه * انه ابنار القضه گلبي يمله زماني و مثل ال امضيع يمل له يبو صوت العذب بطل يمله و خل اقره ابقريزه الداخليه * يرحن هل نوايب دوم وين و چوتنين ابضمير احشاي وين اعتقد هل شافني بسرور وين حگه ما دره ابهم العليه * اعد اهموم گلبي غدن بلماي و خلاني اقص الدهر بلماي بحر قبه و دحچ بل حول بلماي تفشكل و انجات اصعب عليه * علي االخلان آنه ايست ماوين و ما نشدو عليه وين ماوين شبه سمچ المزهر بين ماوين الشبچ والفول مفتره عليه * اليهاب العدو منهم ودراهم الف وسفه زماني ودراهم الفخر مو بل ملك يا خي و الدراهم الفخر ويه الاخو اليعمل تقيه * ابويده الدهر لاگاني وبانه و علي تمطر مشاهيبه ودانه العمر گوض يخواني ودانه الممات و صعب فرگاهم عليه * انه الثكله اجاوبها لحنها و نكبات الدهر مثلي لحنها آنه الماچنت اعرف لحنها خذت مني لحن واشهدت ليه * اعالج يا امصاب و جرح ياداي الدهر ذبني ابقبه و چتف ياداي اثنه و جرح گلبي گام ياداي و خلاني سقيم ابلا وعيه * شراهه ويه الدهر ما عندي والعتاب صد و شلع بيباني والعتاب گمت انشد ابوذيه والعتاب او موال و قصيد و دارميه * راحو اهل المروه و غيره و كلامي ما ابدلنه وغيره لعد غوجي اريد اركب و غيره عله الما عدهم علي الصاحب حميه * يصاحب اترك الدنيه و ملها النوايب دوم الجيها و ملها من الخوان ما اعجز وملها الكل منهم شجاع و يسد فيه * ولك دهري عليه ابخير بسعود بره جسمي و اصر يا صاح بسعود تحمه و گال هذا اوياك بسعود لما شربك غصب كاس المنيه * لهامي امنل صبر صاير ولاچاي البيده ما تلم دمعي ولا چاي مده لا شكر عندي ولا چاي ابايران االوسيعه و شح عليه تغيب الشمس و الطالع بدرها علي الي مزهره چانت بدرها ملوك الدهر ودرها بدرها ابخزاينها اصبحت تحت الوطيه * مالك يا دمع للبيد تملاي و روحي ما بعد للزاد تملاي و لا واحد من الخلان تملاي قرار ابهل گرب يلفون ليه * اليالي ساهرن جفني و جارن بيه و كتن ادموعي و جارن النعاي اعلع الاسد غارن و جارن ذاك الچان يگص و يطر فيه * الوم و عيزيت السلف بالماي و المني زماني و زاد بالماي و خلاني اقص النوب بالماي خذه حيفه و عمل ما راد بيه * عيني بل دموع اتهمل و اتهل و علي الماضين اجر آهات و تهل اشلون ايدي تحث اتراب و تهل علي الاحباب و الغالي عليه * علي كل زين عيني ادموع هالت و ليالي الشوم علي الشجعان هالت من گبل الايادي اتراب هالت علي اهل البيت و اولاد الزچيه * تره كل الحيات اصعود وانزول و نزهگ من وكتنه ابعجل و انزول ولا نسكن سلف عربان ونزول من الگال و گلت واعمال سيه * و حگ النزل من ربها وحلها الدنيه صار للهامه وحلها الطلايب سهل ملگاها و حلها ابكلام العذب و اخلاق الزهيه * روحي امعذبه گيض و شتاها الدهر من جملت احبابي شتاها بعدهم ما اظن تدري شتاها اتاها المرض و اعلا م المنيه * چنت نايم لچن وكتي وعاني العمامي امتاز بل الگاصد وعاني ما اگصد شخص واحد وعاني الكل من كم اسود و فخر ليه * الصبا راكب جواد اشگر علي مر سريع و خله دلالي علي مر صبح ريجي يهل وادم علي مر سببها الشيب و افعاله الريه * الصبه راچب جواده ما تنالي انشدنه و جدامي ماتنالي خفه صوتي يذاك و ما تنالي چلن بل ومي و ما رد عليه * المشيب اسرح لعد غوجه و غاره عليه و ابعجل اعلن وغاره تمرحب للصبه و غشه وغاره گله اخرج و انه اسكن هل ثنيه * علي الدنيه عتب مالي و شرهه و كدرها مني اتزيحه و شرها خسر كلمن تلگاها وشرها ربح من باعها ابهاي الثنيه الدنيه ابشكل اذتني بعتها و انا ابارخص ثمن يا خي بعتها يخي لا تفرح ابملگاهه بعتها تفكله الباع و اتحضر هبيه * انفتگت آه گلي اشلون شلها بحر قبه و صبحت ابوسط شلها محد گال هل غرگان شلها افوين واليرف يبعد عليه * خوي الما يهد وياي هده حيله ريت هذا الدهر هده يعت بيه السبع ما گال هده خذه اطراف النزول و گطع فيه * انترس گلبي م الوعات والهم او بيدي صار ادگ الصبر والهم المحاسن شيبت يخوان والهم علي احيود السلف اهل الحميه * هله ابجيتك يبعد الروح والعين اعضاي ال من جهل بعضاك والعين اليساعد بالصدگ بالمال و العين ايتحزم يستعد ينهض لخيه * علي الزينين يجري ا لدمع من دم و عليهم لو تلفت الروح من دم اخوي الچان بل ديوان من دم غده يا حسرتي حدر الوطيه * يصاحب گوم دن الخيل عنهن لبن دارم ابتالي اليل عنهن اليالي اتسولف المخلوگ عنهن سهمهن صاب و انشبني المنيه * سئلت النزل عل زينين ودور و مقلتي بل دموع اتهمل ودور الچان الهم وكت والزمن ودور عكس بيهه الدهر و ادعاهم رميه * ابفعل الدهر لا عاجز ولا مال و منه خيبت ظني و لامال وجه ابوجه لا گاني ولا مال دحچني و اثر اصوابات بيه * سل سيفه الدهر يا خوان واحد علي قفله و نفه انعضاي واحد الو البس اهدوم الحزن واحد علي الخوان ما اتمسني اذيه * حذيه ما خذو للگبر من مال و لا تلحگ تچيته الدهر من مال من يعجز عزيز النفس من مال حياته ايسلم الرب البريه * عاشر لك شهم و اسلوب صلبه ابعزمه الغوي كل كلفات صلبه الخاين لا تحلل يخي صلبه حرام و هم بكانه اتصير فيه * اسلي بيش انه روحي وسلها نيران العذل بضلوعي ويلها حليم الغربل اشعاره ويلها يضل تاريخ اله ابصفحه زهيه * الصبه گوض يخواني و جاني المشيب اببعض نيرانه وجاني ما اذكر ذنب عامل و جاني تلگيته او حسبته اوقار ليه * سن خلي يهل وادم من اشيب او اله ما تنخمد ناري من اشيب ما انزعج يخواني من اشيب العموم الناس ما جاني هديه * الدهر غشك يهل غافل و غارك ابغرورك ضيعت شخصيت وقارك ركب قوي الدهر و وعلن وقارك و گال المن دمت و اطمئن بيه * بقبال الدهر فوگ الدار خلاك غرك وانكرت يا صاح خلاك ابيوم الصد عليك ابسهم خلاك بگصه احشاك و اتداري المنيه * ليش الما يوده الگلب يدنه اشلون امنل اخوه اگصرت يدنه نسو كل طيب ابونه و طيب يدنه الزينه ابشين ردوهه عليه * خوي الي گطعت الياس منه وزنته و طلع كيلووين منه اشسوالي و عليه كثر منه انه السويت والمنه عليه دار اهلي امر بيهه و سلها عليهم واسچب الدمعه وسلها الشظه اثر علي روحي و سلها لئن چانو اهل غيره و حميه * عليه الدهر مد ايده ويرني جاير و ابمشاهيبه ويرني خصيمي ما ردت يسمع و يرني علي هل حال يتشمت عليه * ترف دوم الهج اباسمك و نادي و حرگت اليابس ابعدك و نادي ابرفاه الناس ايديهه ونادي مغلوله ابهواك اعطف عليه * يدعج شكتم ابسري شباها و غيرك ما عرف روحي شباها شخصك ما اظن يوجد شباها بل احويزه و لا بل ناصريه * جميل اغيد و النهد دارك ابحلول الصيف و انته ازهرت دارك يشيب اشلون ليه الوكت دارك ابلحيتي و زعلت ولفي عليه * صباي انته انتهه ريعك ودارك و سكنها الهرم منزلتك ودارك يا شيب اشدهربك ليه و دارك ابسرعه و شتت شملي عليه * سباني الكبريته ابمهد بل ليل علي دمعي جميع ارداي بل ليل انسا بل نهار و يعن بل ليل عليه و تشتعل نيران بيه * احبك يوم امك الك لا لات و ريت اگماطهه اعله اچلاك لا لات علي شانك تراني اسهرت لالات كل ليله ابسنه تكمل عليه * حمت يا خي چبدتي من حماها روضه زاهيه ابحيكم من حماها ما اعرف رجلهه من حماها و لا ادري ابوها ابيا نويه * يحادي اضعون ساهي العين ونها ابغيابه ما يهود الروح ونها عهود الي بعتها اوياي ونها علي انشد و لا ينشد عليه * سره ضعن الاودهم ونحبلهم و اگضي اليل افكر و انحبلهم تره كلنه ابهواهم وانحبلهم انه و الاهل و الجيران ميه * احن اعليك حن النوگ كتماي افجعني و من سويده الگلب كتماي صدگ من گال ذاك الشعر كتماي لا چذب و لا اخفه عليه * اچلاي اتفتت گلي شفتها فتات العصر لاحتلي شفتها اوصفلك عقيق احمر شفتها او خذها منظره لهل البريه * ردت منك تحل گلبي و تاره اسيوف اجفاك هل گصت وتاره تاره اكتم ابحسراتي و تاره ابينهه و تشمت اعداي بيه * شريچ الروح من يمي ترا فات دليلي و الچبد و الچبد يا خي ترافات عثاجيله يخلگ الله ترافات من الغابه اظهرن بگصه البريه * شريچ الروح من يمي تراحل شعوري و كل مفاصيلي تراحل ابغيابه ما صبح ريجي تراحل و لا عيش اليلذلي ابهل ثنيه * راس الگلب لم اخزان وده اعله خل الما ترك للموت وده رسمك يا شريچ الروح وده الي تذكار لايام المنيه * امعطر للجعد خلي من الهيل و ابد ما بطلن اشفافه من الهيل عگبه ما يكف ساعه من الهيل طرفي و المنام احرم عليه * عونه الطاف بركانك و حيباك و رحب بيك كل جهده و حيباك و شاهد مبسماك يا ادعج و حيباك حرس صارن علي المغلات ليه * يحادي اضعون زمزم لولبيها جيده و لا شفت جدا لولبيها نهايه الشور لمها لولبيها الو الهه و تحن و ترد عليه * گمت الگف انه ابروحي وبيها و حياتي ما اريدنها وبيها نهايه الشور بس لمها و بيها من اهل الخير ما يملك رديه * اهمومي الدهر كورها و لمها عليه و روحي بل زايد ولمها ابو زمزم شور ما بيده و لمها الامر و الشور عد زمزم سجيه * حبيبي دوم ملبوسه من الخف حذر و يلاحظ اطرافه من الخف امظيرمو من الظاهر من الخف نكور و نزر و اطباعه زهيه * الدهر ما قسم ابعدله و ناصف الواشي ايخربص ابغزلي و ناصف الوادم اربعت كلها و ناصف و لا شفت الربيع ابيا نويه * و حگ الفاطمه الزهره و بيها انه الاهواز احبنهه و ابيها بيهه ارجال اهل شيمه و بيها خصايل خير ما بيهن رديه * انه الاهواز اگصد هه ومرها و اتمثل لكارمها و مرها لاني ضگت حاليها و مرها ما شفته و ابد ما مر عليه * احسب بل اهواز آنه و عدها و فرض كل يوم ازورنها و عدها بيها ارجال منتوبه و عدها عفه و كرم وانفوسن ابيه * ذاك الي عليه الگلب ينحط و ذاك ابروحي انه يا ريت ينحط و ذاك البل عگل يا ربع ينحط و ذاك الي جفاني و فتك بيه * علي ابعد ضعنهم وانه واني ابجفاهم سال دمعي وانه واني انته انته يعاذل واني واني افردتني و لا گلت هذا خطيه * دليلي ما بطل ونه و نحبه علي الي ساگ مضعونه و نحبه تره ايودني يهل وادم ونحبه لچن اهله گصو واگطعو فيه * من مثلي گضاه العمر بلهم و علي احبابي اشابه قيس بلهم اريد نذر لون لاگيت بلهم سبع طليان اذبحن ضحيه * اريد احچي الك قصتي من السير اضوج و خرجن اطباعي من السير وره خلي الجدم عجزن من السير ابهيمه و الدجه محتاط بيه * علي خلي فجعني الوكت وحدي و عله افراگه اهل الدمع وحدي اريد اصبغ اهدوم العلي و حدي لن سافر ولا يرجع عليه * طاريك حبيبي انقرص بلبال ابتله بيك و بليت الاربع بلبال تذكر يوم چنه ازغار بلبال امر اعليك نوبه اتمر عليه * يدعج ليش من الگلب مارد انه بهواك حد الموت مارد عگب عيناك اقسم كاس مارد و لا عيش اليلذلي اعله الوطيه * جفه خلي و خطفله اشراع بسعود بره جسمي ابغيابه و صار بسعود صحت يلي سريت ابليل بسعود سريع و خل ترد روحي عليه * ليالي الفرح مثل الحلم فاتن ويه الي حسنهن حتي للعباد فاتن دليلي و الچبد واچلاي فاتن و سره بيهن اعريضي و گطع فيه * من اودادك انه عگلي ترابيه اجنون و خلفن ونتن ترابيه يناهي لو تفل گلبي ترا بيه قهر و اهموم لعنان الثريه * حيرني زماني اشلون حيره لبالي و فرش يا ناس حيره گام انوب ذبني ابطن حيره كلل بابهه و حشم عليه * دهري اوياي ليش اعلن كراها و من يوره الدمع لخدودي كراها زماني و سلب من عيني كراها و حرم طيب المنام الچان اليه * گوض ضعن حاديهم ولاتن انشده و ماحن ازموله و لاتن علي يخوان لا عادن و لاتن و لا ادري ابسكنهم يا نويه * اچبودي اتفتتن بغياب خلهن و علي بعده الدهر بسهام خلهن اليالي اشما جرن وياي خلهن يفردن كل خوي من اصحاب و خويه * ارداي الدمع يحبابي بللهن النواظر من فرد نظره بللهن اديه آنه هل جابن بلا الهن امنگصهن خافن ايلومون بيه * حبابه و شكل حوريه شكلها اخزرتني و سهم بچبودي شكلها او بعد اثر علي اشعوري شكلها و بگيت امشي يخوتي ابلا وعيه * افكر بل وفي دايم وهمله و علي بعده اسچب الادمعي و همله يحگلي لسكن البيده و همله لن صاحب عطف يذكر خويه * الفاخت خذت من نوحي ولاراق عاده و خل جلد گلبه و لا راق حلف ما سفك دم غيري و لاراق السفك دمي استعد و اگبل عليه * وحگ الي ركب ميمون ورگه مليت امنل شعر ميتين ورگه وني ما تونه ابد ورگه ونه الخنسه خذت مني سجيه * گلت للدهر اهل المجد خلهم عاند وابسهم دهر الشوم خلهم اهل غيره و حميه او وفه ال خلهم يخوان اشكبر فيتهم عليه * يدهري منته ابن عمي وليخل و سهمك بل چبد رشن و ليخل حسبتك يا دهر ناصح وليخل اخو الامي و گلت تعطف عليه * الدهر ماهو ابن عمي وخالي ولا حسبه صديق لي و خالي بري من الجرم انه وخالي وشوفنه عليه ايريد حيه * الدهر ماهو ابن عمي والحمالي ولا اجبر كسر ضلعي و الحمالي انتوه يهدم سگف عرشي والحمالي اببنا انجبر و اگعد ابفيه * يدهري ماني ابن عمك و لبنك و لاني عايش ابمرگك ولبنك و لاني گاعد ابضلك و لبنك اشكثر قدار ما عندك حميه * الدهر يا صاح خلاني بليبال و اريد اگضي العمر كله بليبال نوب انعت و نوب احدي بليبال تندم و التفت واعطف عليه * اظروف الدهر يا صاحب وعتني و عليه ابزعل مد ايده و عتني الصديق الوفي ارد اگصد وعتني و گله بل جره و الصار بيه * عجب وليات هذا الدهر يولي ونه مالوم كل مهموم يولي ابحريتي كثير اصحاب يولي لچن بل نايبه شحو عليه * اتلوي و ذوبيت اچلاي بلواك و چنت تطرق عله الخوان بلواك لا تعتب بلوتي مثل بلواك لا اعتب و لا تعتب عليه * الوي وعيزيت السلف بلواي لان راح اليطفي الواي بلواي ما اعتب بلوتك مثل بلواي الخساره بل عمر مو بل رزيه * خوي الما ضمد جرحي ولا شال و لا نوبه عدل حملي ولاشال عله احد ما زرگ رمحه ولاشال حدر ضلعي نصب رمحه وجار بيه * آلاف المشاكل موش مايه و لا تعتب علي البل ضيج مايه اذا دولب زمانه و خبط مايه ايتذكر لو هوه و طاح ابهبيه * ما لوم الحچي علوكت منها تره الدنيه صفه مثقال منها ثلث هل ناس وسط السكك منها ابحوادث و لا اساس امنل دنيه * تره عين اضعون الولف وجفن اگطعن طبن لعند الغير وجفن عگبه ما بگتلي اعيونو وجفن و لا لذلي منام ابكل مسيه * زماني چي نتل روحي ويرها و چوانينه حدر ضلعي ويرها القالب لفظه يتغير و يرها علي المقلوب وايامه زهيه * الدهر من جملت احبابي فردني طريح اوساد خلاني فردني بعد فتره ابدواليبه فردني عليهم والخوي جالس خويه * هلك طيبين واجدادك وصالك چم نوبه الولف يحبيب وصالك جرب لا تكف عني وصالك احبنك لما تدنه المنيه * اجلي بل گلب بجفاك وصلاي عليك و لا يشح للموت وصلاي لون نشدوك عن الفصل وصلاي ابوي الشمري و امي اعنزيه * دلیت بغض محبوبی و لانی هجرنی و طبخ ما آکل ولا نی لانی عدل بفراگه و لانی میت و یسری الجناز بیه * الدلم بطل من اصیاحه و ناله سفحنی الدمع من سوه وناله سعد بخته الوصل ولفه و ناله او زار ازیارتین و بعد حیه * زمانی ذبنی ابحده بچالای و من افعاله مرض اثر بچالای خصیمی لو یره حالی بچالای لچن دهری جبح یضحک علیه * سیفی ارد اسننه و حده زمانی ذبنی ابچالی و حده افوی و ما وصلت گوشه و حده و لا ادری النجات ابیا نویه * سلام الکل شقیقا لک و خالک و بعد سلم علی احبابک و خالک و سلام حار الی عودک و خالک و بعد للوالده ام درت الزچیه * سبع عجدات گلبی انعجد و انهد ابجفه المحبوب دمعی انبهل و نهد شو صف الکم اعیون اوساع ونهد شبه رمان ساوه ابهل ثنیه * وصل حبی یصاحب عسل و نبات ابریجی و دوم ادور اعلیه ونبات جفه عنی و رمانی ابسهم ونبات ابدلیلی و طلعته تکلف علیه * رمانی ابراس گلبی سهم ونبات و ناشد عن شریچ العگل ونبات لون تدرون بعده اشکثر ونبات ابدلیلی و لا شفت نومه هنیه * اجروح الگلب شی قدن یم شی سببهن ذاک هل بل سلف یم شی من اریاگه عسلهن ردت یمشی ابرضاته و خل یصیر اعلاج لیه * ردت ولفی یعالجلی یراحای و طحنی صخر بغیابه یراحای و فرکن صبر خل الهم یراحای یضل گوتی لما یرجع علیه * علی اهل المجد جیت انشد من ادار لفضهم چان یخوانی من ادار مغلاتی اوشلن یخوانی من ادار عبیط و مای کتنه سویه * اغصون امنل نوایب خضرن ونتن ابجوفی و خلفن بل گلب و نتن یحادی الاهل عاد ارجوک ونتن یهل ماشی ابضعنهم یا نویه * الحلم لو کان فسرته و عبرته الگلب اوصیک لا تظهر عبرته مثل الی اترکت واحد و واحد عبرته خذاه الذیب منها و گطع فیه * اجبابی گوطرو وانا بثرهم و من دهری گلت آخذ بثرهم توازه و گام ایهدم بثرهم و من هم اصبحت غفره الثنیه * تراکم هم علی گلبی و حل بیه و تداخل اسی ابدلالی و حل بیه تعجد فکر الابراسی و حل بیه افل و حده و تنعجد یخوان میه * اشاجر چنت کل وکتی و ناحی و هسه النوم حاربنی و ناحی خوی الما حضر نیباتی و ناحی مریده من سره الجناز بیه * غده همی ابثگل یذبل و یرهه و نار احشای ما یبطل ویرهه النفس گوه اصعدهه و یرهه علی احباب المشو واگطعو فیه * رحه البین تطحن یمن و یسار و فعلهه ما یفرح الگلب و یسار اشما انشد علی الطبین ویسار من الدنیه و بگت داره خلیه * جبر یبنی تلگه الیا حیاله اکرمه و لا تهاب الی حیاله الام بالک من امکاره و حیاله النفل ما تصدر من ایده الردیه * تلگه الیاک یا نصار حیله جربه و من یحی اویاک حیله النشمی ما یدور رسم حیله تحفظ من ابو نفس الدنیه * آنه اتعوذ من الشیطان وزنی و گلی اترک عباده و بوگ وزنی گتله آنه ثجیل و یخف وزنی توهمنی و بعد تضحک علیه * الف حسبه ابوسط گلبی و مایه من الی لانی ابحبه و مایه خوی الی نقض عهده و مایه اترکه و لا امره جید نیه * الخایف ما اطب داره و مره لانی ضگت حالیه و مره مره یبچی ابوجهی و مره حلفان و چذب و ایسطر علیه * زمانی لعب بشعوری و فلها الدنیا لا تظن یا خی و فلها علی ذبت سلا لیها و فلها انشبنی بل ظهر و اوجرن بیه * امر بل دار و اتذکر یهلنه و اصیحن وین سافرتو یهلنه تراکم بل قطر چنتو یهلنه اسود و یعز فرگاکم علیه * دمعتی لا تظن یرهم و نلها غزیره و رحه هم تطحن ونلها اعله خلتی الما الاجیهه ونلها و گلهم بل سده و الصار بیه * شطب للدار شنشدها شمرها سکنها الدهر بظروفه شمرها الحیات خلافها تدری شمرها امر امنل شری و حنضل علیه * الدهر گدر علیه ابسهم ورمه دلیلی و اصبحت بحشای ورمه گلت ایرومنی فد یوم ورمه و نگعد معا و ابدیله الشچیه * و حگ الله و رسوله و نبی یونس عگب خلای عیب الگلب یونس مدری الوکت شتهم علی یونس شظاهم یا ربع یکلف علیه * ابجفه المحبوب دمع العین وشل نکور و ما یجیبه النعت و شل جیت انشد علیه السلف و شل گالو شال ضعنه و گطع فیه * غنج مارید منک طمع بس مر لان ریجی ابغیابک صبح بس مر تصد عنی و نبت بحشای بس مر غزیر و طلعته تکلف علیه * لعب الصول مو من ه مج من جیس و لا تعبر شریعه ابغیر من جیس لئن اصلک ازهیری و اسد من جیس عفیف و لا بدت منک ردیه * اجدادک للطلایب دوم شاهین نشامه اسباع مثل اطیور شاهین یصح لفظه الذی سماک شاهین یصح عندک حنان و عاطفیه * یحادی اضعون خلانی ونلها جفونی و السبب روحی ونلها لهم رحه صخر تطحن ونلها ابدلیلی و مادرو بل صار بیه * یحادی اضعون خلانی بها وین تثاثه و خل اودعهم بهاوین جفاهم یسحن اضلوعی بهاوین و یحرم هل منام الطاب لیه * گلبی من امور الدهر ململ و لبسن من اعراض الخام ململ لاگانی و صحتله ابهون ململ عنی و لا تذب شرکک علیه * هذول اتطول بیهم یخی یدی اهالیهم اصل خوان یدی ابوصلهم طاب جرح الچان یدی شفیت و لا بگه امنل الالم بیه * ارشادی الکل شهم مبذل و مهدی الکاظم و احمد تحیاتی و مهدی ابحماسه اتنظم اشعاری و مهدی ها الکم یا نسل جاسم هدیه * یسایج ضعن ساهی العین وانه و اگولن له العهد ویاک وانه تذکر یوم چنه اصغار و انه امر اعلیک نوبه اتمر علیع * تذکر من تمر بیه و امرک ابمزاح شلت جدومک و مرک من زغرک ضگت حالیک ومرک ما ضگته و ابد ما مر علیه * یسایج ضعن ساهی العین ونبیه ابیا وادی و قطر یاصوب ونبیه عگبه ابیات للدلال ونبیه غزیر و فرگته تکلف علیه * کتبت امن الشعر و انواع میمر و علیه لیش ساهی العین میمر بعض اشعار های الخلگ میمر و بعض بی عسل و اسماعه زهیه * ضریت الرمل و الطالع وفلها و بعض الربع ماشوفن وفلها انه ابگلبی اصبحت عجده و فلها ابوجود الربع ذول اهل الحمیه * فتات العصر لاحتلی شفتها اجروحی و کل اصاویبی شفتها شهل اعیون وردیه شفتها و لماهه یبری المعلول لیه * افراگک نحل اعضامی و شلها ابسهم والعین ما یبطل وشلها اترکنی ما گلت ارجع و شلها بحرک یا ترف محتاط بیه * دمعتی ابد ما یرهه و نلها غزیره و رحه هم تطحن و نلها اعله خلتی الما الاجیها و نلها و گلهم بل سده والصار بیه * دار الحزن بگلیبی لبنها علی الی غصب جفجف لبنها تحن ما حنت الثکله لبنها اترکته ابکربلا و راحت سبیه * تون ما ونت الثکله و حنت اعله ابنها اضلوعها یارت و حنت رضیع و فطمته النبله و حنت شعرهه ابدم ذبیح الغاضریه * اشلون اصبر یمای العین بعداک و آنه اثر ابگلبی دای بعداک اراعی دوم یا مدلول بعداک اخافنهم یمنعونک علیه * تمنیت الحبیب ایکون سبحه و ابمای الورد دوم الدوم سبحه سبحانه الخلگ هیچ اعیون سبحه ان الذی اهداک لیه * تهزل کتر دلالی و شلبیه اعلی خلی و لا بگه جفنی وشلبیه تراکم هم علی گلبی و شلبیه اذب شله و ترد شله علیه * اجرحو گلبی و آنه بیدی شلیته و حمل الیثگل اعلیهم شلیته و فریق الطار من عدهم شلیتهه اباری و اصبحو عدوان الیه * شوصف من اعیونه اعیون ماهای و لا انشد علیهه اهذیچ ماهای لون مجنون مثلی چان ماهای رگد حیله و لا اده الوصیه * علی عینه اشکبر یا ربع طرها مهجتی و الگلب بل قدر طرها احذالی لا تجیب ارجوک طرها تذکرنی و تشب نیران بیه * لیالی الشوگ بس ویای ینحن و من عندی اضعون الولف ینحن طلبت امنل الکریم اثنین ینحن و اطیر انه و اتبعه ابیا ثنیه * حبیبی ما سره جدمه و لا خط صوبی و لا بعث قاصد و لا خط اعذره ما جنه سایه و لا خط من اهله ایخاف ما عدهم سجیه * کما الناعور دمعی یگر منهل اعله ولفی دوم منی الحیل منهل ایتراوالی اهلال العید منهل امن اشوفه یردس و مجبل علیه * ها سومر جرح گلبی و هاطاب و ها یبزغ علی حبی و هاطاب و ها یرمی فشگ موزر و هاطاب من اعیونه الشل واثرن بیه * مدری اشراح من العمر و شتم و لجل ولفی ابوجنته ورد و شتم زعل منی و گلتله گوم و شتم مراهی ابهزت اذراعه علیه * ابتوت الگلب ذبلن و لابت سالم و العبت روحی و لابت سبب ولفی تعدانی و لاابت عندی و خبرنب غرامه اشعمل بیه * سهامات الدهر بحشای خلن التجارب للصحیب اظروف خلن من اگعد و اعد اشکثر خلن عندی اکثر یصاحب من تسعمیه * جوادی و درگتی و سیفی کلبهم و الهم طبع یتقایس کلبهم لون حاوین من خصلت کلبهم ابد چا ما خطو واعملو بیه * حرت شکتب ابخط ولفی شما لای و بعد ما ینجمع بیده شما لای و لا اعرف انه شرگی او شما لای شمالی و الشرگ ضاعن علیه * حموله الما تخیط الفتگ وتشل و لا تنهض تشد الحمل و تشل و لا تدرک تصجر باز و تشل تصجر و الیوم حسبوهه ابحریه * املاگه الدهر ما هو عسل ونبات شری و خله ضمیری اشکثر ونبات جفه عنی و رمانی ابسهم ونبات ابدلیلی و طلعته تکلف علیه * یا مدلول ذچرک علی مر مر انه ریجی ابغیابک صبح مر مر الک دمعی یذوب الصخر مرمر امنشوفنک ترد روحی علیه *